Avstriyanın Lints şəhərində cüdo üzrə Qran-pri keçirilir.

Apasport.az xəbər verir ki, ilk yarış günündə Azərbaycan millisinin iki idmançısı tatamiyə çıxıb.

52 kq çəkidə mübarizəyə qoşulan qadın cüdoçularımız medal qazana bilməyiblər. Onların hər ikisi mübarizəyə ikinci mərhələdən start verib. Gültac Məmmədəliyeva Camila Silvaya (Kabo-Verde) uduzaraq yarışla vidalaşıb.

Aydan Vəliyeva öncə israilli Rut Lavi, ardınca ABŞ təmsilçisi Ancelika Delqadonu məğlub edib. O, 1/4 finalda braziliyalı Cessika Pereyraya uduzub. Aydan təsəlliverici görüşdə Mariya Siderota (Portuqaliya) uduzaraq, Qran-Prini 7-ci pillədə başa vurub.

Qeyd edək ki, yığmamız turnirə 5 cüdoçu ilə yollanıb.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib