Cüdo üzrə Azərbaycan millisi fevralın 4-5-də Fransanın paytaxtı Paris şəhərində keçiriləcək “Böyük Dəbilqə” turnirində daha bir ciddi itki ilə üzləşib. 

Apasport.az saytının məlumatına görə, yığmanın əsas üzvü Orxan Səfərov komandadan ayrı düşüb. 

66 kq çəki dərəcəsində çıxış etməli olan cüdoçu xəstələndiyinə və yüksək hərarəti, həmçinin öskürəyi olduğu üçün baş həkiminin təqdimatı, performans direktorun və məşqçilər heyətinin qərarı ilə yarışda iştirak etməyəcək.
Səfərovun müalicəsinə dərhal başlanılıb və ən qısa zamanda sağalıb tatamiyə geri dönməsi üçün bütün lazımi tədbirlər görülür.

Qeyd edək ki, bir gün öncə eyni problem səbəbindən Kəramət Hüseynov (60 kq) da yığmadan ayrı düşüb. 
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”