Martın 16-da Hindistanın paytaxtı Yeni Dehlidə qadın boksçular arasında dünya çempionatı start götürəcək. 

Federasiyadan apasport.az saytına verilən məlumata görə, 10 gün davam edəcək mundialda Azərbaycan milli komandası da mübarizə aparacaq. 

Baş məşqçi Yadigar Məmmədov və məşqçi İlkin Ağayevin rəhbərliyi altında 6 boksçumuz gücünü yoxlayacaq. Dünya çempionatının mükafatları uğrunda Günel Rəhimova (48 kq), Anaxanım İsmayılova (50 kq), Zeynəb Rəhimova (54 kq), Məhsəti Həmzəyeva (57 kq), Şəhla Allahverdiyeva (66 kq) və Aynur Rzayeva (75 kq) rinqə çıxacaqlar. 

Bu gün səfərə yollanan yığma martın 27-də Bakıya qayıdacaq. 

Qeyd edək ki, 2,4 milyon ABŞ dolları mükafat fondu olan mundialın püşkü martın 15-də atılacaq. 77 ölkənin qatılacağı gözlənilən yarışın qalibi 100, finalçısı 50, bürünc medalçısı 25 min dollar qazanacaq. 
 

• Kamandan oxatma üzrə Bakı çempionatı keçiriləcək
• Üç azərbaycanlı atlet “Alufar IRONMAN 70.3 Baku” triatlon yarışının qalibi olub
• Xorvatiyalı triatlonçu: “Bu, inanılmaz emosiyadır”
• “IRONMAN 70.3 Baku”: Finişə ilk çatan idmançı müəyyənləşib - FOTO
• Bakıda keçirilən “IRONMAN 70.3” triatlon yarışına start verilib