Azərbaycan millisinin və “Neftçi”nin futbolçusu Eddi İsrafilovun sağlamlıq durumuna aydınlıq gəlib.

Apasport.az saytının məlumatına görə, bunu Bakı klubunun mətbuat xidməti açıqlayıb.

AVRO-2024-ün seçmə mərhələsi çərçivəsində martın 24-də baş tutan Avstriya – Azərbaycan matçında zədələnən yarımmüdafiəçi “Liv Bona Dea Hospital”da müayinədən keçib. Maqnit Rezonans Tomoqrafiya müayinəsindən sonra İsrafilovun sağ dizinin medial bağında birinci dərəcəli gərilmə aşkarlanıb. Onun 10-14 günlük müalicə və fərdi hərəkətlərdən sonra komanda ilə məşqlərə başlayacağı gözlənilir.
 
Qeyd edək ki, yığmamız Lintsdəki matçda 1:4 hesabı ilə uduzub.