Azərbaycan millisinin və “Nürnberq”in hücumçusu Mahir Emreli komandanı tərk edə bilər. 

Apasport.az saytının əldə etdiyi məlumata görə, o, karyerasını elə Almaniyada davam etdirməyə yaxındır.

Futbolçu ilə Bundesliqadan 2 klub yaxından maraqlanır.

Həmin klubların adları açıqlanmasa da, Mahirin transferində israrlı olduqları bildirilir. Artıq bu barədə Almaniya mətbuatında da xəbərlər yayılmağa başlayıb.

Mahir isə “Nürnberq”i tərk etmək istəmir. O, komandada qalaraq, son matçlardakı uğurlu performansını davam etdirmək niyyətindədir.

Lakin ciddi təklif olacağı halda həmyerlimiz mövsümün sonunu gözləyəcək.

Qeyd edək ki, Emrelinin II Bundesliqa təmsilçisi ilə müqavilə müddəti mövsümün sonunda başa çatacaq.

• Rikardo Fernandes: "Düzdür, başqa klublardan təkliflər oldu"
• Mahir Emreli məşqləri bərpa etdi - FOTO
• Samir Musayev: “Bu çempionatda “Qarabağ”la rəqabət aparacaq komanda yoxdur”
• "Sabah"ın legionerinə ağır cəza - 4 oyunluq diskvalifikasiya
• MOİK-in məşqçisinə iki oyunluq cəza