Azərbaycan Boks Federasiyasında (ABF) milli komandaların məşqçilər korpusu ilə görüş keçirilib. 

Apasport.az xəbər verir ki, bunu qurumun mətbuat xidməti açıqlayıb.

Görüşdə ABF prezidentinin müşaviri Samir Hüseynov, qurumun baş katibi Nağı Səfərov, İdarə Heyətinin üzvü Rövşən Hüseynov və texniki direktor Ravşan Xocayev iştirak ediblər.

Toplantıda 2024-cü il üçün təqvim planının tərtib edilməsi, milli komandaların formalaşdırılması, gələcək planlar, perspektivlər, lisenziya turnirlərinə və Paris Yay Olimpiya Oyunlarına hazırlıq müzakirə edilib. Həmçinin, təlim-məşq toplanışları və yeni ildə təşkil olunacaq müxtəlif yaş qrupları üzrə Avropa çempionatları ilə bağlı fikir mübadiləsi aparılıb.
 

• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub