Xəbər verdiyimiz kimi, "Fənərbaxça" sabiq "Neftçi"li Mateus Saldanyanın transferində qərarlıdır. 

Apasport.az "SporX"ə istinadla xəbər verir ki,"Partizan" "sarı-lacivərli"lərin ilk təklifini rədd etsə də, İstanbul klubu serbiyalılara yeni təklif etməyə hazırlaşır. 

"Fənərbaxça"nın bu dəfə 7 milyon avroluq paketlə yanaşı, bonus və növbəti satışdan pay təklifi ilə masaya oturacağı bəlli olub. 

Həmçinin, “Torino” və “Sevilya” hələ ki, rəsmi təklif irəli sürməsə də, hər iki komanda 24 yaşlı braziliyalı ilə maraqlanır.

Qeyd edək ki, Saldanya 2022/2023 mövsümünün ikinci yarısını icarə əsasında “Neftçi”də keçirib.