“Neftçi” “Qarabağ”ı məğlub etsəydi, əsl sürpriz olardı. Çünki onların durumu bu cürdür",
Bu sözləri apasport.az saytına açıqlamasında “Neftçi”nin sabiq futbolçusu, keçmiş kapitanı Flavinyo deyib.
Veteran futbolçu komandanın "Qarabağ"a məğlubiyyətini şərh edib: “Neftçi”ni daim izləyirəm. Siz sual vermədən öncə mən sizə sual verim. “Neftçi”nin Azərbaycan derbisində “Qarabağ”a uduzması sizin üçün sürpriz oldu? İstəyirsiz, mən özüm cavab verim. Xeyr, sürpriz olmadı. Bu, əlbəttə ki, sürpriz deyil".
O, "Neftçi"nin hazırkı durumu barədə danışıb: "Bilirəm ki, Roman Qriqorçuk baş məşqçi postundan göndərildi, yenidən Samir Abasov gətirildi. Amma düzünü desəm, çalışdırıcını yaxşı tanımıram. Mənə elə gəlir ki, Abasov yaxşı insandır. Lakin “Neftçi”nin problemi “Neftçi”nin özündə də qalır. Problemin nədə olduğunu orda işləyən hamı yaxşı bilir. Problemi niyə həll etmədiklərini hələ də başa düşə bilmirəm.
Həqiqət budur ki, onlar “Neftçi”nin tarixini məhv etdilər. İnanın, burda - Braziliyada hamı yalnız “Qarabağ”ı tanıyır. Artıq heç kəs “Neftçi”ni xatırlamır. Onlar yaxşı braziliyalı oyunçular istəmirlər. Onlara ancaq yaxşı biznes lazımdır. Təəssüf ki, belə alındı. Halbuki “Neftçi”nin özü əsl tarixdir”.
Qeyd edək ki, Misli Premyer Liqasının XV turunun "Neftçi" - "Qarabağ" matçı qonaqların qələbəsi ilə nəticələnib - 3:0.
Oxşar xəbərlər
Ana səhifə
Bütün xəbərlər
Hesabım