Fevralın 28-də “İdman həftəsi” çərçivəsində Gənclər və İdman Nazirliyi, Azərbaycan Şahmat Federasiyasının birgə təşkilatçılığı ilə səfirliklər və diplomatik nümayəndəliklərin əməkdaşları arasında şahmat yarışı keçirilib.

Apasport.az xəbər verir ki, açılış mərasimində Gənclər və İdman Nazirliyinin İdman şöbəsinin müdiri Elnur Məmmədov çıxış edərək iştirakçıları təbrik edib və onlara uğurlar arzulayıb. Tədbirə onlayn qoşulan Azərbaycan Şahmat Federasiyasının prezidenti Mahir Məmmədov da belə turnirin təşkilindən məmnunluğunu ifadə edib.

Rəsmi çıxışlardan sonra yarış açıq elan olunub. 14 iştirakçı arasında keçirilən yarışın yekun nəticələrinə görə İlham Kazımov (Beynəlxalq Miqrasiya Təşkilatı, 7 xal) birinci olub. Zəlimxan Qaysumov (Rusiya, 6 xal) yarışı ikinci, Reyhan Talıbova (Birləşmiş Millətlər Təşkilatının Qaçqın Agentliyi, 4,5 xal) isə üçüncü pillədə başa vurublar

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb