“Çətin oyun oldu. Qələbə qazansaq da, ən yaxşı oyunumuzu keçirdiyimizi deyə bilmərəm”.
Apasport.az saytının məlumatına görə, bunu “Araz-Naxçıvan”ın futbolçusu İsmail Azzaui deyib.
Klubun mətbuat xidmətinə açıqlama verən legioner Misli Premyer Liqasının “Qəbələ” ilə matçı barədə fikirlərini bölüşüb: “İlk matçda “Turan Tovuz”la qarşılaşdıq. Müqayisə etsək, həmin dueldə də yaxşı çıxış etdik, sadəcə, epizodları düzgün dəyərləndirə bilmədik və yenildik. Həmin qarşılaşmadakı səhvlərimizdən nəticə çıxardıq və “Qəbələ”yə qarşı onları təkrarlamadıq. Vacib məqam epizodları məntiqi sonluğa çatdırmağı bacarmağımızdır. Komanda adım-adım irəliləyir. Kollektivimiz yeni yığışıb. Təlim-məşq toplanışı və yoldaşlıq oyunları keçirmədən çempionata başladıq. Həmin vaxt görməli olduğumuz səhvləri, çatışmazlıqları rəsmi oyunlarda görürük. Çətinliklərimiz var, ağır məşqlərlə bunu yoluna qoymağa çalışırıq”.
Komandasının qələbəsinə qolla töhfə verən futbolçu buna sevindiyini gizlətməyib: “Cari mövsümdə komandamın ilk qolunu vurdum. Buna görə xoşbəxtəm. Bu qolu vurmaq özüm üçün də əhəmiyyətli idi. Çünki yeni ölkəyə, liqaya gəlmişəm. Adaptasiya baxımından vacibdir. Ən əsası, komandamın qələbə qazanması üçün üzərimə düşən işi gördüm. Ümid edirəm ki, bu qolun ardı gələcək. Növbəti oyunda qarşılaşacağımız “Qarabağ” haqda çox eşitmişəm. Çempionatın ən güclü komandalarından biridir. Xüsusilə də avrokuboklardakı çıxışı ilə fərqlənir. Qarşıda 1 həftə vaxtımız var. Yaxşı hazırlaşacağıq, baş məşqçinin nə istədiyini, bizim meydanda nə edəcəyimizi öyrənəcəyik. Maraqlı oyun olacaq”.
Qeyd edək ki, “Araz-Naxçıvan” ev oyununda 2:0 hesablı qələbə qazanıb.
Oxşar xəbərlər
Ana səhifə
Bütün xəbərlər
Hesabım