Bu gün Azərbaycan Ağırlıqqaldırma Federasiyasının prezidenti Kamran Nəbizadə ağırlıqqaldırma ictimaiyyətinin nümayəndələri ilə görüşüb. 

Federasiyadan apasport.az-a verilən məlumata görə, Ağır Atletika Akademiyasında baş tutan tədbirdə ölkədə fəaliyyət göstərən məşqçilər, hakimlər və digər mütəxəssislər iştirak ediblər. 

Görüşdə məqsəd paytaxt və regionlarda çalışan mütəxəssislərlə söhbət edərək çətinliklərini dinləmək, ağırlıqqaldıranlarımızın gələcəkdə daha böyük uğurlara imza atması üçün lazım olan addımların atılması istiqamətində fikir mübadiləsi aparmaq olub. 

Federasiyanın vitse-prezidenti Firdovsi Umudovun da iştirak etdiyi tədbirdə problemlər səsləndirilib, rəy və təkliflər bildirilib. 

Qeyd edək ki, iclasdan sonra Kamran Nəbizadə 5-6 oktyabr tarixlərində keçirilən gənclər arasında ağırlıqqaldırma üzrə Azərbaycan birinciliyini izləyib.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”