"100 kq çəki dərəcəsində Zelim Kotsoyev əvvəl Antalyada keçiriləcək "Böyük Dəbilqə" üçün sifariş olunsa da, sonradan məşqçilər heyətinin qərarı ilə siyahıdan adı çıxarıldı. Səbəb odur ki, onun dünya çempionatına hazırlaşmağı daha məqbul hesab edildi".

Bunu apasport.az-a açıqlamasında Azərbaycan Cüdo Federasiyasının baş katibi Rəşad Rəsullu deyib.

31 mart – 2 aprel tarixlərində Antalyada keçiriləcək "Böyük Dəbilqə" turnirində 100 kq-da Azərbaycanı təmsil edən olmayacaq. Osetin əsilli Kotsoyev 7-14 may tarixlərində Qətərin paytaxtı Dohada keçiriləcək dünya çempionatında əsas medal ümidlərimizdən hesab olunduğundan, bu yarışa hazırlaşması daha düzgün hesab edilib. Bununla belə Rəşad Rəsullu bildirib ki, Zelim Antalyada olacaq:

"Böyük Dəbilqə"dən sonra Antalyada təlim-məşq toplanışı olacaq. Orada istər Zelim Kotsoyev, istərsə də zədəsini yeni sağaldan Balabəy Ağayev də iştirak edəcək".

Səbuhi Musa

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək