"Kəpəz"in futbolçusu Luis Paçunun durumuna aydınlıq gəlib.

Apasport.az xəbər verir ki, o, zədəsini sağaldıb. 

Bu barədə Gəncə təmsilçisinin mətbuat xidməti məlumat yayıb. 

"Kəpəz"in bir müddət zədəli olan hücumçusu artıq kollektiv məşqlərə qoşulub. Ötən həftə fərdi halda çalışan Paçu "Neftçi" ilə oyunu buraxmaq məcburiyyətində olub. O, məşqçilər korpusunun qərarına uyğun olaraq "Sumqayıt"la qarşıdakı matçda oynamaq imkanı əldə edə bilər. 

Xatırladaq ki, forvard "Zirə"yə qarşı ev oyununda (0:4) zədələnərək əvəzlənmişdi.

Qeyd edək ki, Misli Premyer Liqasının 18-ci turunda keçiriləcək "Kəpəz" - "Sumqayıt" matçı dekabrın 20-si Tovuz şəhər stadionda, saat 16:00-da başlayacaq. 

• Vüsal oynayıb, komandası növbəti mərhələyə yüksəlib
• 2-ci Liqada 1-ci dövrəyə yekun vurulub
• Şeydayev "Neftçi"dən gedir: Yeni Ünvanı
• Naxçıvandan olan hakimlər briqadası ilk dəfə Azərbaycan çempionatında
• Azər Bağırov sabiq futbolçusunu komandasında görmək istəyir