Millimiz Macarıstan yığması ilə qarşılaşacaq

13.11.2024 - 10:28

Azərbaycanın 17 yaşadək futbolçulardan ibarət milli komandası bu gün Avropa çempionatının seçmə mərhələsində ilk oyununa çıxacaq.

Apasport.az xəbər verir ki, 6-cı qrupda mübarizə aparan millimiz Rumıniyada təşkil olunan görüşdə Macarıstan ilə qarşılaşacaq.

Oyun "Tunari" stadionunda keçiriləcək və onu moldovalı baş hakim Ion Orlic idarə edəcək. Görüş Bakı vaxtı ilə saat 14:00-da start götürəcək.

6-cı qrupun digər oyununda isə ev sahibi Rumıniya yığması Yunanıstan komandası ilə üz-üzə gələcək.

13 noyabr

14:00. Macarıstan (U-17) - Azərbaycan (U-17)
Baş hakim: Ion Orlic (Moldova)
Tunari stadionu, Rumıniya

0 0