Krakov-2023 III Avropa Oyunlarına çimərlik futbolu yarışları davam edir.

Apasport.az saytının məlumatına görə, bu gün Azərbaycan yığması növbəti oyununa çıxıb.

A qrupunda sonuncu olan yığmamız 5-8-ci yerlər uğrunda mübarizədə Ukrayna ilə görüşüb. Zeynal Zeynalovun yetirmələri ilk üç matçdakı kimi yenə uduzub.

Amid Nəzərov erkən qolla hesabı açsa da, futbolçularımız üstünlüyü qoruya bilməyib. Görüşün əsas vaxtı 6:6 hesabı ilə başa çatıb.

Əlavə vaxtda vurulan qolla 7:6 hesabı ilə qalib gələn komandamız sabah 5-ci yer uğrunda oyuna çıxacaq. Bu qarşılaşmada rəqib Moldova olacaq. 

Qeyd edək ki, Azərbaycan yığması qrupda Polşaya 2:7, Portuqaliyaya 2:5, İspaniyaya 1:7 hesabı ilə uduzub.

Avropa Oyunları
Çimərlik futbolu
30 iyun
5-8-ci yerlər uğrunda
16:30. Azərbaycan - Ukrayna - 7:6, əlavə vaxtda
Qollar: Amid Nəzərov (3), Elşad Manafov (2), İsa Zeynallı, Orxan Məmmədov
 

• "Neftçi"nin problemi ancaq futbol oynamaqla bağlıdır"
• Millimizin dünya çempionatının seçmə mərhələsindəki rəqibləri açıqlandı
• UEFA-nın B kateqoriyalı məşqçi kursunun III mərhələsi keçirilib
• "Şamaxı"dan ayrıldı, yeni ünvanı bəllidir
• "Sabah"ın Bilik Günü biabırçılığı