15 yaşadək futbolçulardan ibarət Azərbaycan milli komandası növbəti oyununu keçirib.

Apasport.az saytının məlumatına görə, bunu AFFA-nın mətbuat xidməti açıqlayıb.

Estoniyanın paytaxtı Tallində təşkil olunan UEFA İnkişaf turnirində iştirak edən yığmamız meydan sahibləri ilə görüşüb. Estoniyanın müvafiq yaş qrupundan ibarət komandası ilə qarşılaşan millimiz 1:2 hesabı ilə məğlub olub. 

Qeyd edək ki, komandamız turnirdə növbəti oyununu avqustun 27-də moldovalı yaşıdlarına qarşı keçirəcək.