Martın 22-24-də Gürcüstanın paytaxtı Tbilisidə "Böyük Dəbilqə” turniri keçiriləcək. 

Apasport.az xəbər verir ki, Cüdo üzrə Azərbaycan millisinin 16 idmançısı Tbilisidə ölkəmizi təmsil edəcək. 

İdmançılarımızdan 5-i qadın, 11-i kişidir. Tbilisidə Leyla Əliyeva (48 kq), Gültac Məmmədəliyeva, Aydan Vəliyeva (hər ikisi 52 kq), Açelya Toprak, Fidan Əlizadə (hər ikisi 57 kq), Balabəy Ağayev, Turan Bayramov (hər ikisi 60 kq), Ruslan Paşayev, Rəşad Yelkiyev (hər ikisi 66 kq), İbrahim Əliyev (73 kq), Məhərrəm İmamverdiyev, Ömər Rəcəbli (hər ikisi 81 kq), Vüqar Talıbov, Elcan Hacıyev (hər ikisi 90 kq), Uşanqi Kokauri və Camal Qamzatxanov (hər ikisi +100 kq) fəxri kürsüyə qalxmağa çalışacaqlar.

Martın 29-31-i aralığında Türkiyənin Antalya şəhərində təşkil olunacaq “Böyük Dəbilqə” üçün isə 9 kişi cüdoçunun iştirakı təsdiqlənib. Ruslan Paşayev (66 kq), Uşanqi Kokauri və Camal Qamzatxanovun (hər ikisi +100 kq) Tbilisidən sonra Antalyada da çıxışları planlaşdırılır. Onlarla yanaşı, Əhməd Yusifov (60 kq), Rəşid Məmmədəliyev (73 kq), Vüsal Qələndərzadə (81 kq), Murad Fətiyev, Elcan Hacıyev (hər ikisi 90 kq) və Zelim Kotsoyev (100 kq) də qardaş ölkədə qüvvələrini sınayacaqlar.

• Fiqurlu konkisürənimiz Qran-pridə 5-ci olub
• Beynəlxalq Olimpiya Komitəsinin rəsmisi Azərbaycana gəlib
• Azərbaycan idmançıları Gimnaziada üçün yola düşdü
• Azərbaycanda Beynəlxalq Xizək Alpinizmi Federasiyasının Plenar Assambleyası keçirilib - FOTO
• AKAF prezidenti və Çad Olimpiya Komitəsinin baş katibi arasında görüş keçirilib