“Neftçi” hələ ki, futbolçusu Eddi İsrafilovla yeni müqavilə üçün razılıq əldə etməyib.

Apasport.az saytına verilən məlumata görə, mövsümün sonunda “ağ-qaralar”la müqaviləsi başa çatacaq yarımmüdafiəçinin hansı qərarı verəcəyi dəqiq deyil.

Türkiyə birinci liqa təmsilçisi “Boluspor”un da transfer siyahısında yer alan milli komandamızın üzvü maliyyə məsələsinə görə həmin komandaya keçməmişdi.

“Neftçi”nin isə müqavilə müddətini artırmaq istədiyi İsrafilovun xidmətində İspaniya komandaları da maraqlıdır.

Yaxın günlərdə İsrafilovun yeni mövsümlə bağlı qərarının konkretləşəcəyi bildirilir.

Qeyd edək ki, 31 yaşlı yarımmüdafiəçi “Mursiya”, “Qranada”, “Eybar”, “Kordova”, “Kadis”, “Ximnastik”, “Alkorkon”, “Albasete”də oynadıqdan sonra 2022-ci ildə “Neftçi”yə keçmişdi.