“Neftçi” “Sea Breeze” şirkəti ilə əməkdaşlığa start verir.

Apasport.az xəbər verir ki, bunu klubun mətbuat xidməti açıqlayıb.

Anlaşmaya əsasən, “Neftçi store” stendi “Sea Breeze” ərazisində satış fəaliyyəti göstərəcək. Bundan əlavə, orada müxtəlif sosial tədbirlərin birgə təşkili nəzərdə tutulub. Eyni zamanda, şirkət klubun qonaqlarının “Sea Breeze”də qonaqlamasını təmin edəcək.

“Sea Breeze” 2006-cı ildə təsis edilib və ilkin olaraq hotel, restoran və kiçik çimərlikdən ibarət olub. İndi isə şirkət 500 hektar ərazini əhatə edir, həmçinin tikilməkdə olan və hazır 50-dən çox layihəni, 50-dən çox restoranı, kafe və barları, 60 hovuzu, sosial obyektləri, abadlaşdırılmış 7 km çimərlik ərazisini və 300 hektar yaşıl sahəsini birləşdirir.

• Cenk Sümer: “Çempionluğa namizədlərdən biriyik”
• Naxçıvanda UEFA C kursu keçirilir - FOTO
• "Qarabağ"da növbəti ayrılıq: LEGİONER KOMANDANI TƏRK EDİR
• PFL-dən II Liqa klublarına dəstək
• Portuqaliyalı qolkiper "Karvan"da