“Neftçi”nin baş icraçı direktoru Fərrux Mahmudov veteran futbolçu Bəxtiyar Musayevi 50 illik yubileyi münasibətilə təbrik edib. 

Apasport.az saytının məlumatına görə, yubilyara ən xoş arzularını çatdıran klub rəhbəri ona xatirə hədiyyəsi təqdim edib.

Bəxtiyar Musayev 1991-1996, 1998-2002, 2005-2006-cı illər ərzində “Neftçi”nin heyətində 218 oyun keçirib, 33 qol vurub. “Ağ-qaralar”la Azərbaycan çempionatının (1992), kubokunun (1995, 1999) və Superkubokunun (1993, 1999) qalibi olmuş Musayev “Neftçi”də seleksiyaçı məşqçi vəzifəsində də çalışıb.