Ötən ilin yanvar ayında fəaliyyətə başlayan “Neftçi” Futbol Məktəbinin daha bir filialı açılır.

Apasport.az xəbər verir ki, məktəb Bakıxanov və Yasamal qəsəbələrindən sonra Qara Qarayev metrostansiyası yaxınlığında da fəaliyyət göstərəcək.

Yeni məktəbin ünvanı Özbəkistan küçəsi 1-də yerləşən “Amasiya” İdman Sağlamlıq Kompleksinin meydançasıdır.

Futbolun sirrlərini öyrənmək istəyən 6-14 yaşlı uşaqlar “Neftçi” Futbol Məktəbinə müraciət edə bilər. Məşqlər ödəniş əsasında həyata keçirilir. İlk məşq ödənişsizdir. Əlavə məlumat üçün bu nömrə – +994 51 937 19 37 ilə əlaqə saxlamaq olar.

Qeyd edək ki, hazırda 100-ə yaxın futbolçusu olan "Neftçi" Futbol Məktəbi "Neftçi" Peşəkar Futbol Klubunun nəzdində fəaliyyət göstərir. Məşqlər Bakıxanov qəsəbəsində yerləşən "Türk Hava Yolları Futbol Mərkəzi”ndə və Yasamalda yerləşən "Sportster" meydançasında keçirilir. Məşq prosesində “Neftçi” Futbol Akademiyasının UEFA lisenziyasına malik məşqçiləri ilə yanaşı, inzibati və tibbi heyəti iştirak edir.

“Neftçi” Futbol Məktəbinin fəaliyyəti ilə sosial şəbəkələr vasitəsilə daha yaxından tanış ola bilərsiniz:

https://www.instagram.com/neftchifootballschool/
https://www.facebook.com/neftchifootballschool

• "Neftçi"nin gələcəyi hesab edilən Lorenzo “Sampdoriya”da - Müsahibə
• "Turan Tovuz"un futbolçusu: "Bu, o demək deyil ki, qol buraxmaq zəiflikdir"
• "Qarabağ" - "Malmö" matçı: Qonaqlar üçün bilet qiyməti məlum olub
• Arif Əsədov: "De Byazi millidə uğursuz deyildi" - VİDEO
• Təməli yenidən atılan "İmarət"in son oyunlarında nələr baş verib? - KEÇMİŞƏ SƏYAHƏT