“Neftçi”nin Konfrans Liqasının II təsnifat mərhələsindəki rəqibi “Aris” yeni transfer həyata keçirib.

Apasport.az saytının Kipr mətbuatına istinadən məlumatına görə, Limassol təmsilçisi Portuqaliyanın “Farense” klubundan yarımmüdafiəçi Mixlali Mayambelanı heyətinə qatıb.

Cənubi Afrikalı oyunçu yeni komandası ilə 2 illik müqavilə imzalayıb. Onun “Farense” ilə sözləşməsi bitdiyindən, “Aris”ə azad agent kimi keçib.

Qeyd edək ki, “Neftçi” ilə “Aris” arasında ilk oyun iyulun 21-də Kiprdə, cavab görüşü isə ayın 28-də Azərbaycanda keçiriləcək.