Azərbaycan Peşəkar Futbol Liqası (PFL) 17 yaşını qeyd edir.

Apasport.az xəbər verir ki, Elxan Səmədovun rəhbərliyi altında fəaliyyət göstərən bu təşkilat 2008-ci ildə təsis olunub.

Premyer Liqa, Əvəzedicilər Liqası, I Liqa, II Liqa və Azərbaycan Kubokunun oyunlarının təşkili ilə məşğul olan PFL yaradıldıqdan sonra ölkə çempionatında bir sıra yeniliklər həyata keçirilib.

Bu qurumun fəaliyyətə başlaması ilə Premyer Liqa UEFA reytinqində irəliləyib, hər il Azərbaycan Kubokunun finalı isə maraqlı və rəngarəng şouya çevrilib.

Azərbaycan klublarının avrokuboklardakı ən böyük nailiyyətləri də PFL-in fəaliyyət dövrünə təsadüf edir. Bu müddət ərzində "Qarabağ" Çempionlar Liqasının, "Neftçi" və "Qəbələ" isə Avropa Liqasının qrup mərhələsinə vəsiqə qazanaraq azarkeşləri sevindiriblər.

Apasport.az saytı PFL-in yubileyi münasibətilə təbriklərini çatdırır və qurumun əməkdaşlarına gələcək fəaliyyətlərində daha böyük uğurlar arzulayır.

• Andriya Lukoviç: "Azərbaycanda "Qarabağ"la rəqabət aparacaq klub yoxdur" - Müsahibə
• “Qarabağ” Juninyonun yerinə hücumçu tapdı: O da Portuqaliyadan gəlir
• Siyasət Əsgərov: “Təlim-məşq toplanışının bizə çox köməyi olacaq”
• Toqolu futbolçu "Zirə"də
• Millimizin üzvü Qırğızıstan klubunda