Azərbaycan teakvondoçusu Qaşım Maqomedov İordaniyada keçirilən Asia regionu üzrə beynəlxalq Prezident kubokunda qızıl medal qazanıb. 

Apasport.az xəbər verir ki, bunu Azərbaycan Taekvondo Federasiyasının mətbuat xidməti açıqlayıb.

58 kq çəkidə mübarizə aparan idmançı bütün döyüşlərini qələbə ilə başa vurub. 

O, yarışın finalında Bakıda keçirilən son dünya çempionatının qalibi olan cənubi koreyalı Bae Yun-Seo ilə qarşılaşıb. Q.Maqomedov rəqibi üzərində inamlı qələbə qazanaraq, İordaniyada fəxri kürsünün ən yüksək pilləsinə qalxıb. 

Qeyd edək ki, Azərbaycan taekvondoçuları İordaniyada təlim-məşq toplanışının ardınca burada Prezident kubokuna qatılıblar. 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”