"Qalatasaray"ın prezidenti Dursun Özbək Azərbaycana təşəkkür edib.

Apasport.az xəbər verir ki, bu barədə klubun rəsmi tviter hesabında azərbaycanca təşəkkür mətni paylaşılıb:

"Qardaş ölkə Azərbaycanın seçilən komandası "Qarabağ"la keçirdiyimiz və əldə edilən qazancı zəlzələdən zərər çəkmiş vətəndaşlarımıza bağışlanan dostluq oyunu, klubumuzu və icmamızı sevindirdi. Bakı Olimpiya Stadionunda təşkil olunan matça təşrif buyuraraq bizi şərəfləndirən Azərbaycan Respublikasının Prezidenti Cənab İlham Əliyev və xanımı Mehriban Əliyevaya, klubumuzu böyük nəzakətlə qarşılayan "Qarabağ"ın prezidenti cənab Tahir Gözələ və İdarə Heyətinə təşəkkürlərimizi bildiririk. Bundan əlavə, Bakıdakı coşqulu qarşılamaya və göstərdikləri böyük marağa görə Azərbaycan xalqını bir daha salamlayıram".

Xatırladaq ki, "Qarabağ"la keçirilən xeyriyyə matçında "Qalatasaray" 2:1 qalib gəlib.