Bu mövsüm avrokuboklarda ən çox mükafat qazanan klublar bəlli olub. 

Apasport.az xəbər verir ki, “Qarabağ” ilk 50 komanda arasında yer tutub.

Çempionlar Liqasında mübarizəyə başlayan Ağdam klubu Avropa Liqasında 1/8 finala vəsiqə qazanaraq 10 milyon 482 min avro əldə edib. Beləliklə, təmsilçimiz 47-ci pillədə qərarlaşıb.

Təmsilçimizin 1/8 finaldakı rəqibi “Bayer” 13 milyon 790 min avro mükafat qazanaraq 34-cü olub.

Qeyd edək ki, cari mövsüm avrokuboklarda ən çox gəlir əldə edən komanda “Real Madrid”dir. İspaniya klubu 79 milyon 892 min 421 avro qazanıb.