"Qarabağ" Leandro Andrade ilə müqaviləni yeniləyib.

Apasport.az xəbər verir ki, bunu klubun mətbuat xidməti açıqlayıb.

Ağdamlılarla kabo-verdeli yarımmüdafiəçi arasında anlaşma 2027-ci il iyunun 30-dək uzadılıb.

Qeyd edək ki, 24 yaşlı futbolçu 2022-ci ilin yanvarından "Qarabağ"ın formasını geyinir. Andrade komandanın heyətində 86 oyun keçirib və 22 qol vurub. O, Premyer Liqada 55 (16 qol), kubokda 8 (1 qol), avrokuboklarda 23 (5 qol) matçda iştirak edib.