"Qarabağ" yeni mövsüm üçün üçüncü transferini reallaşdırıb.

Apasport.az xəbər verir ki, Portuqaliyanın “Mafra” klubu ilə aparılan danışıqlar uğurla nəticələnib və yarımmüdafiəçi Kris Kuaku heyətə cəlb olunub.

Fil Dişi Sahilindən olan 25 yaşlı futbolçu ilə "2+2" illik müqavilə imzalanıb. Yarımmüdafiəçi “Qarabağ”da "6" nömrəli forma ilə çıxış edəcək.

Peşəkar karyerasına 2018-ci ildə Tunisin “Sfaksien” klubunda başlayan Kris 4 il sonra Danimarka təmsilçisi “Midtyullann”a keçib. O, 2023-cü ildən “Mafra”nın formasını geyinib.

Qeyd edək ki, Ağdam təmsilçisi bunadək daha iki futbolçunu – braziliyalılar Dani Bolt və Pedro Bikalyonu transfer edib.

• Namik Ələsgərov seçim qarşısında: Türkiyəyə qayıda bilər
• Braziliyalı yarımmüdafiəçi “Qarabağ” yolunda – Danışıqlara start verildi
• “Karvan”da yeni müqavilə
• “Şamaxı” heyətini yeni futbolçu ilə gücləndirib
• “Qəbələ” “İmişli”ni məğlub etdi