Premyer Liqanın XX turunun "Kəpəz"lə qarşılaşmasında "Qarabağ"ın daha bir futbolçusu sıradan çıxıb. 

Apasport.az xəbər verir ki, 79-cu dəqiqədə Yassin Benzia "Kəpəz"in qapıçısı İqor Rodrigeşlə toqquşub və başından zədələnib. 

29 yaşlı yarımmüdafiəçi oyuna davam edə bilməyib və paltardəyişmə otağına gedib. 

Dəyişiklik haqqının hamısını istifadə edən Qurban Qurbanovun komandası meydanda 10 nəfər qalıb. 

Qeyd edək ki, "Qarabağ" Qəbələdən 2:1 hesablı qələbə ilə ayrılıb.