Bu gün Cəbəllütariqdə “Linkoln”la qarşılaşacaq “Qarabağ” Çempionlar Liqasında yubileylərin astanasındadır.

Apasport.az saytının məlumatına görə, Ağdam klubu qitənin ən nüfuzlu klub turnirində 19 dəfə qalib gəlib.

Əldə olunacaq növbəti uğur 20-ci qalibiyyət olacaq. Qurban Qurbanovun yetirmələrini mümkün qələbəyə daşıyacaq qol da yubiley xarakteri daşıyacaq.

Çempionumuz bu turnirdə keçirdiyi səfər matçlarında 19 qol vurub. “Linkoln”la ilk görüşdəki top 20-ci kimi tarixə düşəcək.

Qeyd edək ki, “Qarabağ” Çempionlar Liqasında 2014-cü ildə debüt edib.