“Neftçi”nin məşqçilər korpusuna daha bir təyinat olub. Apasport.az saytının məlumatına görə, bunu klubun mətbuat xidməti açıqlayıb.

Bu, baş məşqçi Adrian Mutunun seçimi və təqdimatı əsasında gerçəkləşib. Təcrübəli mütəxəssis Sənan Qurbanov köməkçi məşqçi təyin edilib. Onunla 2 illik müqavilə bağlanıb.

Qurbanov 1980-ci il avqustun 4-də anadan olub. Futbolçu kimi ölkəmizdə bir çox klubun, eləcə də Azərbaycan milli komandasının formasını geyinmiş Qurbanov 2012-ci ildə məşqçiliyə başlayıb. 2018-ci ilədək “Qəbələ”də məşqçi, 2018-2019-cu illərdə isə baş məşqçi vəzifəsində çalışmış 43 yaşlı mütəxəssis 2021-2022 illərdə “Keşlə”ni (indiki “Şamaxı”) çalışdırıb. O, 2018/19 mövsümündə “Qəbələ”yə, 2020/21-də isə “Keşlə”yə Azərbaycan Kubokunu qazandırıb.

Qeyd edək ki, baş məşqçi Adrian Mutunun digər köməkçiləri, məşqçilər korpusunun üzvləri – köməkçi məşqçi Alin-Nikolaye Çita, analitik məşqçi Aurelian-Boqdan Patraşku, fiziki hazırlıq üzrə məşqçi Miodraq Todorov və qapıçılar üzrə məşqçi Mihai-Qavril Nedebandır.
 

• Sosial şəbəkələrdə ən çox izləyicisi olan Azərbaycan klubları bəlli olub
• Futbolçulara ən çox əməkhaqqı ödəyən klub "Neftçi" olub
• Premyer Liqa klublarının 2024-cü ildəki gəlirləri açıqlanıb
• Premyer Liqa klublarının uşaq-gənclər sektoruna ayırdığı vəsait artıb
• “Turan Tovuz” Premyer Liqada ev oyunlarında azarkeş sayına görə liderdir