"Milli komandamız hər iki matça yaxşı oyun və xallar qazanmaq istəyi ilə çıxmalıdırlar”.

Bu sözləri apasport.az saytına Azərbaycan millisinin sabiq futbolçusu Rauf Əliyev deyib.

34 yaşlı futbol veteranı yığmamızın AVRO-2024-ün seçmə mərhələsindəki ilk oyunları barədə danışıb. Əliyev Avstriya və İsveçlə səfər matçlarından gözləntilərini açıqlayıb: “Hər şey mümkündür. Doğrudur, Avstriya və İsveç çox güclü yığmalardır. Elə-belə komandalar deyillər. Daim dünya çempionatında, Avropa çempionatında iştirak edirlər. Amma futbolda hazırda sensasiya yoxdur, çətin də olsa, xal almaq mümkündür”. 

Sabiq hücumçu martın 24-də və 27-də səfərdə keçiriləcək qarşılaşmalarda yaxşı nəticə olacağına ümid edir: “Millimizdəki hər bir oyunçudan gözləntim var. Əllərindən gələni etməlidirlər. Ümid edirəm ki, hər şey yaxşı olacaq".

Qeyd edək ki, Rauf millidə keçirdiyi 47 matçda 7 qola imza atıb.

• "Qarabağ"ın potensial rəqiblərinin matçında minimalhesablı qələbə
• "Dinamo"dan "Neftçi"yə - Rəsmi
• Qurban Qurbanov: "Şelburn" bəzi göstəricilərə görə bizdən üstündür"
• "Zirə" UEFA-ya göndərdiyi iştirak ərizəsində dəyişiklik edib
• Cüdoçularımız XVIII Avropa Gənclər Yay Olimpiya Festivalında iki qızıl medal qazanıblar