“Sabah”ın U-10 komandası Avstriyanın Trayskirxen şəhərində keçirilən “Eurocup Trophy 2025” beynəlxalq futbol turnirində iştirak edib. 

Apasport.az xəbər verir ki, turnir 2 günü əhatə edib.

İlk gündə keçirilən turnirdə komandamız Avstriyanın “Soccer School Wien” (2:1), “FCM Traiskirchen” (3:1), Serbiyanın “Fortuna Pancevo A” (3:1), Almaniyanın “SC Theresienfield” (5:0) komandalarını məğlub edib.

Həlledici görüşdə “FCM Traiskirchen”ə məğlub olan (2:3) “Sabah” turnirin ilk gününü ikinci pillədə başa vurub. 

Aydın Manaflının baş məşqçisi olduğu komanda növbəti gün keçirdikləri oyunlarda Avstriyanın “Soccer School Wien” (2:1), “Inzersdorf” (7:0), Serbiyanın “Fortuna Pancevo A” (4:1) və “Fortuna Pancevo B” (4:0) komandalarını məğlub edib.

Final oyununda yenidən “Fortuna Pancevo A” ilə qarşılaşan “Sabah” 1:2 hesabıyla məğlub olaraq, yekun nəticədə ikinci yeri tutub.

• “Sabah” Fransa klubu ilə qarşılaşacaq
• Millimiz məşqlərə başladı
• Felipe Santos: "Hər komanda bizi udmağa çalışır"
• "Zirə"nin futbolçusu Mozambik millisinə dəvət alıb
• Asim Xudiyevə UEFA-dan təyinat