Türkiyənin Antalya şəhərində təşkil olunan “Junior World Cup” beynəlxalq futbol turnirinə start verilib.

Apasport.az xəbər verir ki, turnirdə iştirak edən “Sabah” Futbol Klubunun U-13 və U-15 komandaları artıq ilk görüşlərini keçiriblər.

Nasir Nəsirlinin rəhbərlik etdiyi U-13 kollektivi debüt matçında İngiltərənin “Mançester Siti” komandası ilə üz-üzə gəlib. Məhsuldar keçən görüş "Sabah"ın 3:5 hesablı məğlubiyyəti ilə başa çatıb. Bakı təmsilçisinin qollarını Elton Məmmədov, Yusif Ağayev və Yusif Fətullayev vurub.

Digər yaş qrupu üzrə – U-15 komandası isə Şahin Zeynalovun rəhbərliyi altında İspaniyanın “Rayo Valyekano” klubu ilə qarşılaşıb. Gərgin keçən görüşdə qalib müəyyənləşməyib – 1:1. Azərbaycan təmsilçisinin yeganə qolunu Ayxan İbadov vurub.

• Cüdoçularımız XVIII Avropa Gənclər Yay Olimpiya Festivalında iki qızıl medal qazanıblar
• Filip Krovinoviç: "Azərbaycan çempionatının yaxşı səviyyədə olduğunu bilirik"
• "Hayduk"un baş məşqçisi: "15 ildir ki, komanda avrokuboklarda yaxşı çıxış etmir"
• Rəşad Sadıqovdan Yurçeviçə cavab: “Özünün Azərbaycanda müqaviləsi necə olub?”
• Qismət Alıyev: “Oyuna tam hazırıq”