Rumıniyanın paytaxtı Buxarestdə keçirilən 23 yaşadək güləşçilər arasında Avropa çempionatında 3 sərbəst güləşçimiz finala çıxıb.

Apasport.az xəbər verir ki, Rəşid Babazadə (65 kq) həlledici görüşdə Fransanı təmsil edən dağıstanlı Həmzət Arsamerzoyevlə üz-üzə gələcək.

Dağıstanlı idmançımız Məhəmməd Xanıyev (70 kq) finalda ermənistanlı Hayk Papikyanla qarşılaşacaq.

İslam İlyasov (97 kq) ardıcıl 2-ci dəfə U-23 Avropa çempionatının finalına yüksəlib. İslam titulunu qorumaq üçün türkiyəli Oktay Çiftçiyə qalib gəlməlidir.

Həmçinin, Nurəddin Novruzov (57 kq) bürünc medal uğrunda Rafal Şevts (Polşa) – Edik Harutyunyan (Ermənistan) görüşünün qalibiylə güləşəcək.

Səbuhi Əmiraslanov (79 kq) isə bürünc medal uğrunda ermənistanlı Narek Qriqoryanla qarşılaşacaq.


Qeyd edək ki, bu çəkilərdə medallar uğrunda qarşılaşmalar martın 18-də Bakı vaxtı ilə 20:00-da başlayacaq.

• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub
• “Pool Nine Ball” üzrə Bakı şəhər çempionatı keçiriləcək
• Yevlax Olimpiya İdman Kompleksinə media-tur təşkil olunub
• İlham Əliyev Yevlax Olimpiya İdman Kompleksində görülmüş işlərlə tanış olub - YENİLƏNİB