“Araz-Naxçıvan” növbəti transferini reallaşdırıb. 

Apasport.az saytının məlumatına görə, bunu Muxtar Respublika təmsilçisinin mətbuat xidməti açıqlayıb.

Premyer Liqada çıxış edəcək əyalət təmsilçisi braziliyalı Vanderson Kavalkante Melo ilə anlaşıb. Tibbi müayinədən keçən 29 yaşlı dayaq yarımmüdafiəçisi ilə bir mövsümlük müqavilə imzalanıb.

Onun son klubu Odessa “Çernomorets”i olub. Legioner müqavilə imzaladıqdan sonra təəssüratlarını arazpfk.com-la bölüşüb: “İlk dəfədir ki, Azərbaycanda oluram. Burada çoxlu həmyerlilərim çıxış edir. Biz də “Araz-Naxçıvan”a uğur qazandırmaq üçün gəlmişik. Nəticələrimizin yaxşı olması üçün çalışacağıq”.

Qeyd edək ki, Vanderson vətənində “Koritiba”, “Fos-du-İquasu”, “Marinqa”, İsveçin “Eskulstuna”, Belarusun “Vitebsk”, Litvanın “Panevejis” klublarında forma geyinib.

• "Araz-Naxçıvan"ın legionerinə Premyer Liqadan tələb var
• Cavid Hüseynov "Səbail"in baş məşqçi postuna təyin olunub - Rəsmi
• Tahir Süleymanov: "Həmin görüş daha geniş məna daşıyırdı"
• Ronaldo daha bir mükafat qazanıb
• İlham Əliyev Canni İnfantino ilə görüşüb