Bolqarıstanın paytaxtı Sofiyada qadın boksçular arasında Avropa çempionatı davam edir. Apasport.az saytının məlumatına görə, yarışda Azərbaycan boksçuları 4 bürünc medalı özlərinə təmin ediblər.

Belə ki, 54 kq çəki dərəcəsində mübarizə aparan Anna Əlimərdanova 1/4 final səddini uğurla keçib. Boksçumuz isveçli Yelena Envallla (İsveç) döyüşdən qalib ayrılıb – 3:0 (40:36; 40:36; 40:36). Anna yarımfinalda Delfin Mançini (Fransa) ilə üz-üzə gələcək.

Yığmamızın liderlərindən olan Yelena Vıstropova da bacısı Əlimərdanovanın geri qalmayıb. 69 kq çəki dərəcəsində rinqə çıxan idmançımız Assunta Kanforanı (İtaliya) mübarizədən kənarlaşdırıb. O, 2:1 (39:37; 39:37; 37:39) hesablı qələbəyə sevinib. Vıstropova növbəti qarşılaşmasında rusiyalı Səadət Abdullayevanı sınağa çəkəcək.

Leyla Cavadova (81 kq) da adını yarımfinala yazdırıb. Həmyerlimiz 1/4 finalda Lusia Brklyasanı (Xorvatiya) məğlub edib – 3:0 (39:37; 39:37; 39:37). Cavadova final üçün Elif Güneri (Türkiyə) sınağa çəkəcək.

Yarımfinala yüksələn 4-cü boksçumuz isə Aynur Rzayevadı (+ 81 kq). O, 1/4 finalda İrina Vinnik (Ukrayna) üzərində texniki qələbə qazanıb. Rzayeva növbəti qarşılaşmada Zemfira Maqomedaliyeva (Rusiya) ilə döyüşəcək. Digər boksçularımız isə mübarizəni dayandırıblar.

1/2 final qarşılaşmaları sabah olacaq.

Qeyd edək ki, qaydalara əsasən, yarımfinala yüksələnlər ən azı bürünc medalı təmin edirlər. 

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək