“Sərhədçi” İdman Olimpiya Kompleksində keçirilən U-21 gənclər arasında cüdo üzrə açıq Bakı birinciliyində ilk günə yekun vurulub. Apasport.az saytının məlumatına görə, Azərbaycan Cüdo Federasiyası və Bakı şəhər Gənclər və İdman Baş İdarəsinin təşkilatçılığı ilə keçirilən turnirin birinci günündə 11 çəki dərəcəsində mübarizə aparan idmançılar arasında qaliblər müəyyənləşib.

Paytaxt birinciliyində qızların yarışında Şəfiqə Mollazadə (44 kq), Şəfəq Məmmədova (48 kq), Elvira Əskərova (52 kq), Zəhra Mehdiyeva (57 kq), Günel Bəkirzadə (63 kq), Əminə Hüseynova (78 kq) və Şəms Hacıyeva (+78 kq) fəxri kürsünün ən yüksək pilləsinə yüksəliblər.

Oğlanların mübarizəsində isə Yunis Yunisli (55kq), Nazim Şıxəliyev (66 kq) və Əkbər Quliyev (81 kq) çempion olub.

Paytaxt birinciliyinin qalib və mükafatçılarına medallar, diplomlar təqdim olunub. 

Qeyd edək ki, iki gün davam edəcək Bakı şəhər açıq birinciliyində 32 klubdan 318 gənc cüdoçu (295 oğlan və 23 qız) medallar uğrunda mübarizə aparır.

• Təhminə Tağızadə: "Bakı 2026-cı il üçün dünyanın idman paytaxtı seçilib"
• AMADA-nın təşkilatçılığı ilə Bakıda beynəlxalq konfrans keçirilib
• AMADA beynəlxalq konfrans keçirəcək
• AMADA-nın təşkilatçılığı ilə dəyirmi masa keçirilib
• Sumqayıtda Uşaq Paralimpiya Oyunları keçiriləcək