Beynəlxalq Gimnastika Federasiyası ölkəmizə daha 3 böyük yarış etibar edib. Bu barədə apasport.az saytına məlumatı Azərbaycan Gimnastika Federasiyasından veriblər.

Belə ki, bu il olduğu kimi 2017-ci ildə də batut, idman və bədii gimnastika üzrə dünya Kubokları paytaxtımızda təşkil olunacaq. Azarkeşlər məşhur batutçuların yarışını fevralın 18-19-da izləyəcəklər. Ardınca – martın 16-19-da idman gimnastları mübarizəni Bakıda aparacaqlar. Bədii gimnastların Dünya Kuboku isə aprelin 28-də başlayıb, 3 gün sonra bitəcək.

2017-ci ildə ölkəmiz gimnastikanın müxtəlif növləri üzrə beynəlxalq hakimlər kursuna da ev sahibliyi edəcək.

Qeyd edək ki, gələn il mayın 12-22-də IV İslam Həmrəyliyi Oyunları çərçivəsində 3 gimnastika növü (kişi və qadın idman gimnastikası, bədii gimnastika) üzrə yarışlar da təşkil olunacaq. 

• Azərbaycan Badminton Federasiyası mükafata layiq görülüb
• Zaur Axundov Azərbaycan Velosiped Federasiyasının prezidenti seçilib
• Azərbaycan birinciliyində növbəti mükafatların sahibləri bəlli olub
• Bakı Marafonunda rekord iştirakçı: 27 min nəfər qeydiyyatdan keçib
• Millimiz Gürcüstanda beynəlxalq təlim-məşq toplanışına başlayıb