“Təhsil” Respublika İdman Məktəbinin 17 yaşadək şahmatçıları arasında respublika birinciliyi keçirilib. Apasport.az saytının məlumatına görə, 9 turdan ibarət yarışın qalibi adını Xəzər Babazadə qazanıb.

Məktəblilər arasında Avropa çempionu titulunun sahibi olan Biləsuvar şahmatçısı keçirdiyi 9 matçdan 7 xal toplayıb. İkinci yeri Kənan Əhədzadə tutub. Lənkəranı təmsil edən zəka sahibi çempion Babazadə ilə eyni xal toplasa da, əlavə göstəricilərdə ondan geri qalıb. İlk “üçlüy”ü isə Talıbxan Talıbxanlı qapayıb. Zərdablı idmançı hesabına 6,5 xal yazdırıb.

Qeyd edək ki, birinciliyə ümumilikdə 15 şahmatçı qatılıb. Fəxri kürsünün ən yüksək pilləsinə qalxan Babazadə isə cəmi 12 yaşında bu uğura yiyələnib. 

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək