2018-ci ildə keçiriləcək dünya çempionatının daha bir iştirakçısı müəyyənləşib. Apasport.az saytının məlumatına görə, Səudiyyə Ərəbistanı yığması mundiala vəsiqəni rəsmiləşdirib.

Buna Asiya zonası üzrə III seçmə mərhələsinin başa çatması ilə aydınlıq gəlib. B qrupunda 2-ci yeri tutan Səudiyyə Ərəbistanı digər Asiya təmsilçiləri – İran, Yaponiya və Cənubi Koreya kimi mundiala yüksəlib.

Qruplarda 3-cü olan Suriya və Avstraliya isə oktyabrın 5-də və 10-da keçiriləcək pley-offda qüvvəsini sınayacaq. Qələbə qazanıb, Asiyanın 5-cisi olacaq komanda qitələrarası pley-offda KONKAKAF-ın 4-cüsü ilə görüşəcək.

Qeyd edək ki, Asiyanın 4 təmsilçisindən başqa, meydan sahibi Rusiya, həmçinin Braziliya, Meksika, Belçika da mundialda oynamaq hüququ qazanıb.

• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib
• Fərid Qayıbov: “Yarışın əsas məqsədi idmanın kütləviliyinə nail olmaqdır”
• "Üzgüçülük hamı üçün" turnirinin açılış mərasimi keçirilib
• ACES Europe prezidenti: “Bakı dünyanın ən vacib şəhərlərindən biridir”