DÇ-2014: Rəqiblərimizin hamısı qrupda qaldı

27.06.2014 - 11:37

Azərbaycan millisinin bütün rəqibləri Braziliyada keçirilən dünya çempionatında uğursuzluğa düçar olublar. Apasport.az saytının məlumatına görə, komandamızın həm sabiq, həm də gələcək rəqibləri qrupda qalıblar.

Belə ki, DÇ-2014-ün seçmə mərhələsində millimizlə eyni qrupda yer alan Rusiya və Portuqaliya mundialın qrup mərhələsinin son gününün uğursuzları olublar. Seçmə mərhələdə yığmamız 3 məğlubiyyətini bu komandalardan alsa da, onlar birlikdə dünya çempionatında vur-tut 1 qələbə qazanıblar:

H qrupu

Rusiya – Cənubi Koreya – 1:1

Belçika – Rusiya – 1:0

Əlcəzair – Rusiya – 1:1

Belçika	3	3	0	0	4-1	9
Əlcəzair	3	1	1	1	6-5	4
Rusiya	3	0	2	1	2-3	2
C Koreya	3	0	1	2	3-6	1

G qrupu

Almaniya – Portuqaliya – 4:0

ABŞ – Portuqaliya – 2:2

Portuqaliya – Qana – 2:1

Almaniya	3	2	1	0	7-2	7
ABŞ	3	1	1	1	4-4	4
Portuqaliya	3	1	1	1	4-7	4
Qana	3	0	1	2	4-6	1

Bunadək isə millimizin gələcək - Avro-2016-dakı rəqibləri İtaliya ilə Xorvatiya uğursuzluq yaşamışdı. A və D qruplarında yer alan komandalar 1/8 finala yüksəlmək həsrətində qalıblar. Qitə çempionatının seçmə mərhələsindəki rəqiblərimiz də Rusiya və Portuqaliya kimi qrupda 3-cü olublar.

A qrupu

Braziliya – Xorvatiya – 3:1

Kamerun – Xorvatiya – 0:4

Xorvatiya – Meksika – 1:3

Braziliya	3	2	1	0	7-2	7
Meksika	3	2	1	0	4-1	7
Xorvatiya	3	1	0	2	6-6	3
Kamerun	3	0	0	3	1-9	0

D qrupu

İngiltərə - İtaliya – 1:2

İtaliya – Kosta-Rika – 0:1

İtaliya – Uruqvay – 0:1

Kosta-Rika	3	2	1	0	4-1	7
Uruqvay	3	2	0	1	4-4	6
İtaliya	3	1	0	2	2-3	3
İngiltərə	3	0	1	2	2-4	1

Qeyd edək ki, millimizin baş məşqçisi Berti Foqtsun müşaviri olduğu ABŞ millisi rəqiblərimizdən fərqli, 1/8 finala yüksəlib. Onlar Qanaya qalib gəldikdən (2:1) sonra Portuqaliya ilə heç-heçə (2:2) oynayıblar. Son turda isə Almaniyaya uduzmalarına baxmayaraq (0:1) qrup ikincisi kimi mərhələ adlayıblar.