Yevlax Olimpiya İdman Kompleksinə media-tur təşkil olunub.

Apasport.az xəbər verir ki, Gənclər və İdman Nazirliyinin Maddi texniki təchizat şöbəsinin müdiri Elmir Mehdiyev media nümayəndələrinə Olimpiya İdman Kompleksi barədə məlumat verib.

Bildirildi ki, bu kompleks Prezident İlham Əliyevin Fərmanı ilə təsdiq edilmiş “Azərbaycan Respublikası regionlarının sosial-iqtisadi inkişafı Dövlət Proqram”ı çərçivəsində inşa olunur.

İnşasına 2024-cü ilin yanvarında başlanılan, ümumi sahəsi 17000, tilialı sahəsi 9500 kv metr olan kompleksin əsas binasında yerləşən universal idman zalı 1100 tamaşaçı tutumuna malikdir. Burada basketbol, voleybol, həndbol, minifutbol, badminton, gimnastika, cüdo, güləş, taekvondo, boks, karate və idmanın digər növləri üzrə məşqlərin və yarışların keçirilməsi nəzərdə tutulur. Binada, eyni zamanda, 80 nəfərlik iclas zalı, hakim, həkim, məşqçilər, şərhçilər üçün otaqlar, kafe olacaq. Kompleksdə 21 otaqdan ibarət 42 yerlik dördmərtəbəli mehmanxana və restoran da fəaliyyət göstərəcək. Burada 1300 tamaşaçı tutumuna malik tribunası olan, standartlara cavab verən futbol meydançası, həmçinin iki minifutbol meydançası yaradılacaq.

Qeyd edək ki, Prezident İlham Əliyev iyunun 23-də Yevlax Olimpiya İdman Kompleksində görülmüş işlərlə tanış olub.

• III MDB Oyunlarının səkkizinci günü: 9 idman növü üzrə yarışlar keçiriləcək
• III MDB Oyunları: 5 idmançımız oxatma yarışlarında 1/8 finala yüksəlib
• Süleyman İsmayılzadə: “Qızıl medalla qayıdacağıma söz vermişdim”
• Üzgüçülərimiz MDB Oyunlarını 13 medalla başa vurub
• III MDB Oyunları: Azərbaycanlı üzgüçü qızıl medal qazandı