Türkiyənin Antalya şəhərində yeniyetmə güləşçilər arasında "Zəfər kuboku" keçirilib.

Apasport.az xəbər verir ki, Azərbaycan güləşçiləri yarışın son günündə 7 medal qazanıblar.

Sərbəst güləşçilərin mübarizəsində 65 kq. çəkidə İsa Yusibov çempion olub. Məhəmməd Abbaszadə (80 kq) və İsmayıl Kərimov (110 kq) gümüş, Hüseyn Məmmədtağızadə (80 kq) isə bürünc medal əldə edib.

Yunan-Roma güləşində Orxan Hacıyev (80 kq) fəxri kürsünün ən yüksək pilləsinə qalxıb. Emil Abdullayev (65 kq) ikinci, onunla eyni çəkidə yarışan İsbəndiyar İmanov isə üçüncü yeri tutub.

Qadın güləşində Zəhra Kərimzadə (73 kq) bürünc medala sahib çıxıb.

Qeyd edək ki, yığmamız “Zəfər kuboku”nda 21 medal qazanıb. Millimiz həm sərbəst, həm də yunan-Roma güləşi üzrə komanda hesabında 2-ci olub.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM