“Zaqatala”nın baş məşqçi postuna daha bir namizəd
31.05.2023 - 12:33
“Zaqatala”nın baş məşqçi postuna daha bir namizəd

“Zaqatala”nın baş məşqçisi postuna daha bir namizəd müəyyənləşib.

Apasport.az saytının məlumatına görə, “Zirə”nin sabiq çalışdırıcısı Zaur Həşimov yeni mövsümdən bölgə təmsilçisinin “sükanı arxası”nda ola bilər.

Zaqatala klubunun rəhbərliyi gənc mütəxəssisi baş məşqçi postuna gətirməyi planlaşdırır. Başa çatan mövsümdə “Zirə”nin əvəzedici heyətinin baş məşqçisi olmuş Həşimovun “Zaqatala”nı çalışdırıb-çalışdırmayacağı yaxın günlərdə dəqiqləşəcək. Bir müddət əvvəl rəhbərlik Aftandil Hacıyevin bu posta gətirilməsini də nəzərdən keçirib.

Qeyd edək ki, başa çatan mövsümü Rüstəm Məmmədovun rəhbərliyi altında çıxış edən “Zaqatala”nın Premyer Liqaya buraxılacağı gözlənilir.

0