"Zirə" yeni mövsümdə daha bir legionerini heyətdə saxlamaq istəyir. 

Apasport.az saytına verilən məlumata görə, qəsəbə təmsilçisi komandanın aparıcı futbolçusuna çevrilən Giorgi Papunaşvilini heyətdə saxlamaq üçün danışıqlara başlayıb.

Klub onun müqaviləsini uzatmaq istəyir. Tərəflər arasında razılıq əldə olunacağı gözlənilir.

Ötən mövsümü "Kəpəz"də keçirmiş Papunaşvili mövsümün əvvəlində "Zirə" ilə anlaşmışdı. 29 yaşlı futbolçu karyerası ərzində "Dinamo" (Tbilisi), "Verder", "Saraqosa", "Apollon", "Torpedo" (Kutaisi), "Radniçki", "Samtrediya", "Telavi" komandalarında çıxış edib.

Papunaşvili Gürcüstan millisində 16 görüşdə iştirak edib və 3 qol vurub.

• "Qarabağ"dan Əlcəzair klubuna
• "Şamaxı" braziliyalı müdafiəçi transfer edib
• "Turan"da yeni transfer
• “Sumqayıt”dan mövsümdə ilk transfer - RƏSMİ
• "Mingəçevir"in yeni baş məqşçisi: "Məqsəd "Mingəçevir"i çempion etməkdir"