“Zirə”nin futbolçusu Rəhim Sadıqovla bağlı planları bəlli olub.

Apasport.az saytının məlumatına görə, Bakı klubu 26 yaşlı yarımmüdafiəçi ilə müqaviləni uzatmağa qərar verib.

Qəsəbə təmsilçisi anlaşması 2024-cü ilin yayında başa çatacaq Sadıqovla daha uzunmüddətli sözləşmə imzalamaq istəyir. Rəhim Rusiya klublarının da diqqət mərkəzindədir. Bu üzdən də zirəlilər onu saxlamaqda israrlıdır.

Qeyd edək ki, 2022-ci ildə "Sumqayıt"dan "Zirə"yə keçən yarımmüdafiəçi cari mövsüm Premyer Liqada 26 oyun keçirib və 5 qola imza atıb.