ABL: “Sumqayıt” “Gəncə”ni məğlub edib

07.12.2024 - 15:55

Azərbaycan Basketbol Liqasında V turun növbəti oyunu keçirilib.

Apasport.az xəbər verir ki, B qrupunda 1 oyun baş tutub.

“Gəncə” autsayder “Sumqayıt”ın qonağı olub. Sensasiyaya imza atan "gənclik şəhəri" təmsilçisi mövsümdə ilk qələbəsini qazanıb.

Qeyd edək ki, turun açılış matçında "Ordu" "Quba"ya 75:101 hesabı ilə uduzub. Ardınca "Sərhədçi" NTD-ni 84:79, "Abşeron" isə "Neftçi"ni 72:56 hesabı ilə məğlub edib. Liderlərin mübarizəsində “Sabah” “Naxçıvan”ı 75:74 hesabı ilə üstələyib. Tura sabah "Şəki" - "Lənkəran" matçı ilə yekun vurulacaq.

Azərbaycan Basketbol Liqası
V tur

B qrupu
7 dekabr
14:00. "Sumqayıt" – "Gəncə" - 85:79 (10:25, 32:20, 18:13, 25:21)