Azərbaycanın U-18 qızlardan ibarət basketbol millisi Avropa çempionatında növbəti oyununu keçirib.
Apasport.az xəbər verir ki, Rumıniyanın Tulça şəhərində təşkil olunan B divizionunda mübarizə aparan yığmamız 17-20-ci yerlər uğrunda görüşdə Şimali Makedoniya seçməsi ilə qarşılaşıb.
Evren Alkayanın rəhbərlik etdiyi komanda ilk hissəni 40:42 hesabı ilə geridə başa vursa da, ikinci yarıda əzmkar oyun nümayiş etdirərək rəqibini 75:73 hesabı ilə məğlub edib.
Qarşılaşmanın ən yaxşı basketbolçusu (MVP) millimizin üzvü Deniz Gökçöl seçilib. O, görüşdə 19 xal toplayıb və 4 ribaunda imza atıb.
Qeyd edək ki, yığmamız növbəti oyununu avqustun 8-də keçirəcək. Bakı vaxtı ilə saat 12:00-da başlayacaq qarşılaşmada komandamız Estoniya seçməsi ilə üz-üzə gələcək.
Oxşar xəbərlər
Ana səhifə
Bütün xəbərlər