"Sumqayıt"ın basketbolçusu Zayon Yanq klubun mətbuat xidmətinə açıqlama verib.

Apasport.az xəbər verir ki, o, komanda barədə düşüncələrini söyləyib:

“Burada olduğuma görə şadam. Bu şəhərdə həmişə maraqlı nəsə baş verir. Komanda yoldaşlarım Aleksey Kitayev, Zaur Quşanov və Saadettin Donat qətiyyən məni darıxmağa qoymur. Onlar komanda daxilində də əla atmosfer yaradır.

Əvvəlcə, mənə burada oynamağa şans yaradanlara təşəkkürümü bildirirəm. Bu çempionatda mən əsl istedadımı nümayiş etdirə bilirəm. İstənilən halda komanda yoldaşlarıma minnətdaram. Məhz onların sayəsində mən liqada hər oyunda orta hesabla ən çox xal toplayan basketbolçuyam".

Qeyd edək ki, “Sumqayıt” 10 turdan sonra B qrupunda 13 xalla 5-ci pillədə qərarlaşıb.

• “Sumqayıt”dan böyükhesablı qələbə
• Bedri Meriç: “Bu gün müdafiə sayəsində qələbə qazandıq”
• Halil Atlı: "Oyunu uduzmağımızda bu önəmli oldu"
• "Gəncə" Şəkidə məğlub olub
• "Naxçıvan" klubu basketbolçusu ilə yollarını ayırıb